誠邀20位beautylife.hk會員試用一款Biocos鮮維C高濃縮膠原面膜系列

 

 

我的中心
 
搜索

超值!真‧叉燒極上拉麵|京都豚骨麵屋丸京

熱度 4已有 288 次閱讀 2017-2-17 16:51 |個人分類:飲飲食食


小妹因為近日冇返工,所以成日都周圍玩同食,今次就同另一半去到葵芳搵食,其實今次依間餐廳都係係男人的朋友大力推薦下,所以都忍唔住要一試呀!



小店係葵芳小街市附近,門口唔算大,只有一副店名掛布掛在門邊玻璃,小妹都差行過唔留意,但因為都有小小人龍係門口,所以先冇Miss咗!



店內有小小布置,都係用上店名及Logo,店內位不多,約10個位。


3張4-5人枱,再加上一排單邊長枱,所以如果太大班人就不建議一齊食。



牆身有兩款湯面介紹,一款是清湯、一款是濃湯。


店內仲有唔同梳打飲品,喜歡梳打飲品嘅朋友都可以試下!



店內以日本真空低溫調理食材,真係好想即刻可以試到呀!


店內更以真.叉燒拉麵為主打,不同叉燒拉麵,小妹見到已經食指大動。



店內有四款拉麵,半熟卵、叉燒、極上、豚骨醬油拉麵。


拉麵可以選擇清湯/濃湯,另外更可以追加粟米、紫菜、味荀、叉燒、半熟卵及麵。


當然亦有一項走配料,好似小妹唔食荀同蔥就可以剔走。


小妹今次就叫咗清湯叉燒拉麵,而男人就叫咗濃湯極上拉麵。



清湯叉燒拉麵($73),熱辣辣的清湯上鋪上一片片叉燒,就好似一片叉燒海,未食都已經感到澎湃。



每片叉燒厚薄適中,而且唔會太肥,見到就已經流曬口水~~


先嚐一口熱辣辣清湯,入口有陣陣醬油味,味香不膩。



揭開叉燒海就見到拉麵,拉麵浸係熱辣辣清湯內,條條分明。


麵條入口彈牙,香濃蛋味,加上清湯一同入口,味道豐富,多層次。


叉燒入口腍,真係冇無牙都可以食到,味道唔會太咸,小妹都忍不住,一口接一口!



濃湯極上拉麵($83),拉麵上鋪上一片片叉燒,配上一隻半熟蛋,視覺上已經十分豐富。


小妹嚐了一口湯,濃湯果然比清湯濃郁香口,而且比軟黏口,相對亦比較膩。


店內還有芝麻蒜油、辣油等醬供客人自己加。


小妹覺得可以自食一半麵及湯,然後先要加其他配醬,小妹重點推薦芝麻蒜油,真係好香!



小Tips: 佢地只開到9點,但售罄的話就會關門。

上次小妹好彩剛剛最後一碗濃湯,之後客人就只可以選清湯。


麵屋丸京

地址: 葵芳興芳路188號地舖


希望大家鍾意小妹分享,小妹仲有其他Blog,FB PageIG,歡迎大家去睇~ 





我試過
1

我見過

我聽過

我買過

我用過
3

Like

剛表態過的朋友 (4 人)

發表評論 評論 (4 個評論)

回復 ester 2017-2-17 18:09
yummy
回復 MR.MOON 2017-2-18 18:58
NICE
回復 HO_RURU 2017-2-21 22:04
NICE
回復 sweet 2017-5-20 17:35
NICE

facelist 私人留言

你需要登入後才可以評論 登入 | 註冊