誠邀25位beautylife.hk會員試用GOONGBE宮中秘策嬰兒系列產品

 

 

我的中心
 
搜索


尋回我的S線 - Elyze療程<<試做篇>>

熱度 4已有 3848 次閱讀 2015-3-2 19:43 |個人分類:瘦身纖體|關鍵詞:elyze


試問邊個女仔唔想自己身材好似model咁, 可惜生得細粒既我, 從來冇諗過去改變自己個body, 幸好平時飲食都尚算節制, 加上經常去試好多懶人減肥法(按摩, 薰蒸, 推淋巴呀.....等等) 未至於暴漲, 但坐得多既OL, 腰同大腿相信也是重災區吧! 得BE及Elyze邀請, 可以一試佢地既treatment, 從而知道自己個body有咩野要改變下, 預約左治療師Mavis, 於朗豪33/F, 晚上7點, treatment前一晚, Mavis仲有個溫馨小提示我聽日既booking, 係預約同時, 治療師會初步了解左有咩地方想改變, 同埋會講番個treatment大概預1.5~2個hrs左右

當晚到左33/F, 千祈唔好搞錯左, Neo Derm旗下除左Elyze (for body), 仲有dermas (for 脫毛)既, 真係要睇清楚唔好行錯, hehe

門口有reception姐姐, 同笑容親切既嬸嬸, 招呼我去左sofa個邊坐低得, 嬸嬸仲會問你飲唔飲茶, 之後reception姐姐會拎部類似i pad既野, 內容係今日treatment既資料, 想改善邊部份, 了解番平時飲食既習慣等等, 代替左舊時要填form, 既環保又方便, 讚!

治療師Mavis帶左我去間treatment room, 放低個袋同d衫, 個locker有條鎖匙可以自己keep番既, 咁就唔駛驚d財物會唔見啦

treatment要著既袍, 紙un un同紙bra bra都放左係張床到, 確保衛生架, 用完即棄! 換好哂衫, Mavis帶我去做個身體分析先, 要離開呢間房既

著埋對紙拖, 就行左出去一間有架叫in body520既機, 但不幸地, 部機有人用緊, Mavis帶我去另外一邊, 同樣有部in body機, 但.....要經過大堂lobby, 咁岩我見到有(男)人等緊lift, 著住成身白袍既我, 唔多唔少有點尷尬, 如果安排in body機時間可以改善, 就唔怕有呢個情況出現

要除左鞋, 清潔左腳板底同隻手, 就可以企上去度磅, 過程好快, 大概3~4分鐘, 只需輸入左年齡同身高, 雙方垂直, 手指接觸金屬位, 音樂會響起, 當音樂停左, 個結果會係printer走出來, 原理利用人體內的微電流, 通過全身以得出結果的, 很神奇吧!

數字不方便公告啦! 幸好脂肪是標準之內, 但肌肉不足夠, 這個我是知道的, 人的身體很奇妙, 當你肌膚唔夠, 相對脂肪比較多, 自然想食D高脂肪類的東西, 女生多數喜愛吃甜點, 自不然就易儲下大量脂肪, 除非每天也很有恆心地做運動....而報告更指我沒有水腫情況出現, 真是萬幸呢!!! 要知道體重是由水份, 脂肪, protein同mineral(也有骨頭) 組成, 個報告更會清楚分析哂體重分佈, 治療師好清楚咁逐樣解釋, 之後會番房開始treatment

治療師會先同我照鏡, 講解番有邊個部地方可以改善, 原來我大腿真係好嚴重, 外側的脂肪大多是硬身, 內側的脂肪則是軟身一點, 而pat pat果條線, 愈長代表pat pat舊肉開始下墮, 最後D脂肪遊走到其他位置, so sad!!! 而肚位可能係近排食得太多, 以致成日脹脹地, 治療師建議先用RF Circulation活化循環機, 利用上圖左邊的槍頭進行treatment (另外一個槍頭for 骨膠原), 首先背隻向天訓上床

之後會搽上按摩油, 把槍頭在左右腳按摩各十分鐘左右, 過程是微暖及舒服, 我差D訓著左呀> < 治療師手勢唔錯, 唔會太大力, 冇整痛我, 做完每邊都會用手按摩下, 再用熱毛巾搽走番D油架~連個肚都幫我按左一陣, 好爽呀!!!

之後就到另一部機, SmoothShape緊緻曲線激光機,以四大尖端技術激光、光學、滾輪及真空吸啜,重組脂肪的排列密度,塑造緊緻線條.....今次會集中係大腿外側既頑固脂肪

部機會有瀲光發出, 所以會帶番副防瀲光眼鏡, 整個過程同樣地是每邊左右腳10分鐘

這個會有少許痛楚, 我叫治療師逐下逐下去做(強度是可以調較的), 因為不斷來回既話, 個吸塑力會令人有點痛, 同埋做完會有少少紅, 不過也放心, 很快便會退的

由7點到做完, 大概2小時左右, 9點15完已經完成, 嘩....美腿回來了! 用手摸下都feel得到冇咁硬, 有研究仲顯示, 男人睇女人, 除左臉孔, 心口之外, 就輪到對腳 (嘻嘻), 我有朋友樣子唔算好標青, 但雙腳生得不知幾靚, 羨慕死人; 總括來講, 擁有S曲線要從飲食及運動兩大方面入手, 如果你自問唔係勤力既話, 相信elyze一定幫到你:)


如果大家有興趣試一下 elyze 的療程,可以到以下網址登記,即可免費試做一次

elyze脂肪美學專家

http://www.elyze.com.hk/edm/201410/ECPAL1014E/Form.aspx?ref=EBLBE0215R

 

相關網頁:

http://www.neoderm.com.hk/

http://www.elyze.com.hk/



我試過

我見過

我聽過

我買過

我用過
4

Like

剛表態過的朋友 (4 人)

評論 (0 個評論)

facelist 私人留言

你需要登入後才可以評論 登入 | 註冊